साईबाबांचे मतदारयादीत नाव ; खोळसाडपणा करणा-या अज्ञातावर गुन्हा दाखल राहता - निवडणूक आयोगाच्या ऑनलाईन अँपचा गैरवापर करून शिर्डी विधानसभा मतदार यादीत साईबाबांचे नाव घालण्याचा प्रयत्न करण्यात आल्याचा धक्कादायक प्रकार उघडकीस आला आहे. या प्रकरणी अज्ञात व्यक्ती विरोधात राहाता पोलिसांनी गुन्हा दाखल केला आहे. ही घटना या वर्षीच्या सुरुवातीला घडली असून या प्रकरणी नायब तहसिलदार सचिन म्हस्के यांच्या फिर्यादीवरून राहाता पोलिसांनी मंगळवारी माहिती तंत्रज्ञान कायदा कलम (ब) (क) नुसार अज्ञात व्यक्ती विरूध्द गुन्हा दाखल केला आहे. मिळालेल्या माहितीनुसार, निवडणूक आयोगाकडून १ जानेवारी २०१८ रोजी शिर्डी विधानसभा मतदार संघ यादीत ऑनलाईन प्रणालीचा गैरवापर करून शिर्डीच्या साईबाबांचे नाव मतदार यादीत समाविष्ट करण्यासाठी नमुना नंबर 6 भरला होता. यासाठी पत्ताही साईमंदिर शिर्डी असा दिला होता. छाणणी करीत असताना हा प्रकार निवडणूक आधिकाऱ्यांच्या लक्षात आल्याने त्यांनी त्याच वेळी राहाता पोलिसांना या बाबत कळविले होते. सदर गुन्हा सायबर क्राईम असल्याने पोलिसांनी नगरला तक्रार करण्यास सांगितले. सायबर सेलकडे गेले असता त्यां